♥मीरा के गिरधर♥

आज्यो आज्यो गोविन्दा म्हारै म्हैल, निहाराँ थारी बाटड़ली खड़ी जी, म्हारै आज्यो (टेर) तनका त्यागूँ कापड़ा जी, ऊगन्ते परभात। खड़ी जोवती राह में जी, सतगुरु पोंछे आय। पियालो लियाँ हाजिर खड़ी, जी।।1।। साधु हमारी आतमा जी, हम साधुन की देह। रोम रोम में रम रही जी, ज्यूँ बादल में मेह। सुरत हरि नाम सें लगी, जी।।2।। मीराँ हरि की लाडिली जी, तुम मीराँ के स्याम। मीराँ के प्रभु गिरधर नागर, दरसण द्यो म्हारे राम। सुरत निज नाम से लगी, जी।।3।।♥♥ एरी मैं खड़ी निहारूँ बाट, चितवन चोट कलेजे बह गई, सुन्दर स्याम सु घाट। (टेर) मथुरा में कुबज्या कर राखी, म्हाजन की-सी हाट। केसर चन्दन लेपन कीन्हो, मोहन तिलक लिलाट।।1।। हमरा पिलँग जड़ाऊ छोड्या, बणिया (रेसम) पीली पाट। क्याँ पर राजी भयो साँवरो, चेरी के नहिं खाट।।2।। अजहुँ न आयो कँवर नन्द को, क्याँरी लागी चाट। छाँड गयो मझधार साँवरो, बिना अकल को जाट।।3।। आप बिना गोपिन सब ब्रज की, ब्याकुल भई निराट। मीराँ के प्रभु दरसण दीज्यो, करज्यो आनँद ठाट।।4।।♥♥ अब नाँ रहूँगी श्याम अटकी, म्हारो मन लाग्यो गिरधर से (टेर) म्हाँने गुर मिलिया अविनासी, दई ग्यान की गुटकी। लगी चोट निज नाँव धणी की, म्हारै हिवड़ै खटकी।।1।। माणक मोती परत न पहुरूँ, मैं तो कबकी नटगी। गहणों म्हारे माला दोवडो, और चँनण की कुटकी।।2।। राणा कुलकी लाज गमाई, साधाँ के संग भटकी। नित प्रत जाऊँ गुर दरसण, नाचूँ दै दै चुटकी।।3।। परमगुरु के सरणै जाऊँ, करूँ प्रणाम सिर लटकी जेठ बहू की काण न मानूँ, पड़ो घूँघट पर पटकी।।4।। करम लिखायो साध सँगत में, हर-सागर में लटकी। मीराँ के प्रभु गिरधरनागर, भो-सागर से छटकी।।5।।

キーワード：

Krishna meerabai

この写真を評価してね：

• Eカードを作成する

このページへのショートリンク：

• この画像を報告