- Stamps »
- shri ram グラフィック »
☀जय सियाराम☀
-
जानकी-जीवन, जग-जीवन, जगत-हित,
जगदीस, रघुनाथ, राजीवलोचन राम।
सरद-बिधु-बदन, सुखसील, श्रीसदन,
सहज सुंदर तनु, सोभा अगनित काम।1।
जग-सुपिता, सुमातु, सुगुरू, सुहित, सुमीत,
सबको दाहिनो, दीनबन्धु, काहूको न बाम।
आरतिहरन, सरनद,अतुलित दानि,
प्रनतपालु, कृपालु, पतित-पावन नाम।2।
सकल बिस्व-बंदित, सकल सुर-सेवित,
आगम-निगम कहैं रावरेई गनग्राम।
इहै जानि तुलसी तिहारो जन भयो,
न्यारो कै गनिबो जहाँ गने गरीब गुलाम।3।
- キーワード：
-
