❤️श्री ब्रजनाथ❤️
-
このスタンプは1回使用されています。
-
ओ जी हो साँवरिया थाँरी, दासी बण ज्यावाँ जी।
दासी बणज्यावाँ थाँरे चरणाँ में रमजावाँ जी।। टेर ।।
कहो तो साँवरिया थाँरा, कुण्डल बणज्यवाँजी।
कुण्डल बणज्यावाँ थाँरे, काना में रमजावाँ जी।। 1 ।।
कहो तो सांवरियाँ थाँरा, कंकण बणज्यावाँ जी।
कंकण बणज्यावाँ थाँरे, हाथाँ में रमजावाँ जी।। 2 ।।
कहो तो साँवरिया थाँरी, मुँदरी बणज्यावाँ जी।
मुँदरी बणज्यावां थारी, अंगुली में रमजावाँ जी।। 3 ।।
कहो तो साँवरिया थाँरी माला बण ज्यावाँ जी।
माला बणज्यावाँ थारे, हिवड़े पर बसज्यावाँ जी।। 4 ।।
कहो तो साँवरिया थाँरी, मुरली बणज्यावाँ जी।
मुरली बणज्यावाँ थाँरे, अधराँ पर रह ज्यावाँ जी।। 5 ।।
कहो तो साँवरिया थाँरी, पैंजणियाँ बणज्यावाँ जी।
पैंजणियाँ बड़ज्यावाँ थांरे, चरना में रमजावाँ जी।। 6 ।।
कहो तो साँवरिया थाँरी, कोयलियाँ बणज्यावाँ जी।
कोयलियाँ बणज्यावाँ थांने,मीठा सबद सुणावां जी।। 7 ।।
कहो तो साँवरिया थाँरी, मालिनियां बणज्यावां जी।
मालिनियां बणज्यावाँ थंरा गजरा गूँथर ल्यावां जी।। 8 ।।
कहो तो साँवरिया थांरी, गोपी बणज्यावां जी।
गोपी बणज्यावां थारे, संग में रासा रचावां जी।। 9 ।।
कहो तो सांवरिया थांरी, राधाजी बणज्यावां जी।
राधाजी बणज्यावां थांरी, प्रेम धजा फहरावां जी।। 10 ।।
- キーワード：
-
