❤️श्री राधा गोपीनाथ❤️

सहज प्रीति राधासौं हरि करि जानीरी। जसु रसु स्यामा स्याम जु राख्यौ, वृंदावन रजधानीरी।। परिबसी राउ' रसिक-नृपतिनि की, परिपाटी पहिचानीरी। सब विधि नाइक गुनगन लाइक, नवल राधिका मानीरी।। मान करत हँसि चरन धरत, अपमानु करति व्रजरानीरी। लोक चतुर्दस की प्रभुता तजि, सहज दीनता मानीरी।। अंगनि पट भूषन पहिरावत सेवा करत रवानी री। तोरत तृन जु दिखाइ आरसी, वारि पियत पिय पानीरी।। विविध विनोद विहार अधार की, घर घर कहत कहानी री। अद्भुत वैभव निरखि, सची अरु कमला रति बिलखानी री।। चारि मुकति नवधा दसधा गति, जहाँ रहत अरगानी' सा यह कौतिक देखत ललितादिक तपति न सदा अघाना । खग, मृग, गो, सरिता, सरवर दंपति कौं ये सुखदाना संतत सरद वसंत विराजति लाजत सुनि अभिमानी री।। ता महिमाँहि कहत विथकित भई, वेद उपनिषद् वानी री।- यह लीला अब मंद व्यास पै, कैसैं जात बखानी री।।

キーワード：

Krishna radha

この写真を評価してね：

• Eカードを作成する

このページへのショートリンク：

• この画像を報告